వేటూరి సుందరరామూర్తి 84 వజన్మదిన సందర్భంగా స్వ‌ర‌రాగ గంగా ప్ర‌వాహం

ఈనెల 29 న వేటూరి సుందరరామూర్తి 84 వ జన్మదినాన్ని పురస్కరించుకొని… ఆత్రేయ స్మారక కళాపీఠం ఆధ్వర్యంలో   స్వ‌ర‌రాగ గంగా ప్ర‌వాహం పేరుతో జ‌ర‌గ‌నున్న ప్ర‌త్యేక కార్య‌క్ర‌మంలో  ప్రముఖ సినీగీత రచయిత బ్రహ్మ శ్రీ భాస్కరభట్ల రవికుమార్‌ కు వేటూరి పురస్కార ప్రదానం జ‌ర‌గ‌నుంది.  విజ‌య‌న‌గ‌రంలోని ఆనంద‌గ‌జ‌ప‌తి ఆడిటోరియంలో జ‌రిగే ఈ కార్య‌క్ర‌మంల‌లో సాయంత్రం 6 గంటలకు ఆత్రేయ-వేటూరి-భాస్కరభట్ల విరచిత చిత్ర గీతాలాపనలతో ఆరంభ‌మ‌వుతుంద‌ని ఆత్రేయ స్మారక కళాపీఠం అధ్యక్ష, కార్యదర్శులైన ఉసిరికల చంద్రశేఖర్‌, గంటి మురళీ లు మీడియా స‌మావేశంలో తెలిపారు. 


విజ‌య‌న‌గ‌రం శాస‌న‌భ్యుడు కోల‌గ‌ట్ల   వీర‌భ‌ద్ర స్వామి జ్యోతి ప్ర‌జ్వ‌ల‌న‌తో ఈ  కార్య‌క్ర‌మం ఆరంభం అవుతుంద‌ని తెలిపారు. ఈ స‌మావేశానికి ముఖ్య అతిధిగా రాష్ట్ర మంత్రి బొత్స స‌త్య‌నారాయ‌ణ హాజ‌రు కానున్నార‌ని చెప్పారు. అలాగే గౌర‌వ అతిధులుగా మాజీ పార్ల‌మెంటు స‌భ్యురాలు బొత్స ఝాన్సీ, హైద‌రాబాద్‌కు చెందిన  ప్ర‌ముఖ  వ్యాపార వేత్త ప‌ట్టాభి రామారావులు హాజ‌రు కానున్నారని తెలిపారు. ఈ సంద‌ర్భంగా శంబ‌ర జోగారావు సంగీత సార‌ధ్యంలో కే ర‌మేష్ ప‌ట్నాయ‌క్‌, శ్రీ‌నాయుడు నేతృత్వంలో వేటూరి చిత్ర గీతాల సంగీత విభావ‌రి జ‌రుగుతుంద‌ని, అలాగే న‌ర్త‌శాల డాన్స్ అకాడ‌మి విద్యార్ధులు నృత్య ప్ర‌ద‌ర్శ‌న చేస్తార‌ని చెప్పారు.

ఇప్ప‌టివ‌ర‌కు ఆత్రేయ‌- వేటూరి పుర‌స్కారాలందుకున్న‌వారిలో సినీ ప్ర‌ముఖులు భ‌మిడిపాటి రాధాకృష్ణ మూర్తి, సుస‌ర్ల ద‌క్షిణామూర్తి, ఎస్ జాన‌కి, సిరివెన్నెల సీతారామ శాస్త్రి, వేటూరి సుంద‌ర రామ‌మూర్తి, రాజ‌న్‌-నాగేంద్ర‌, పుహ‌ళేంది, కీర‌వాణి, ఎస్‌.పి . బాల‌సుబ్ర‌హ్మ‌ణ్యం, పి.బి. శ్రీ‌నివాస్‌, వాణీ జ‌య‌రాం. మంగ‌ళం ప‌ల్లి బాల‌ముర‌ళీ కృష్ణ‌, సాలూరి కోటి, మ‌ణిశ‌ర్మ‌లు ఉన్నార‌ని, 2020 సంవ‌త్స‌రానికి సంబంధించి  వేటూరి పుర‌స్కారానికి ఉత్త‌రాంద్ర నుంచి సినీ గీతాల‌కు ప్ర‌త్యేక పేరుగా నిలుస్తున్న భాస్క‌ర‌భ‌ట్ల ర‌వికుమ‌ర్‌ని ఎంపిక చేసిన‌ట్టు వివ‌రించారు.  

ఈ మీడియా స‌మావేశం  ప్రోగ్రాం కో-ఆర్డినేటర్‌ బిహెచ్‌.సూర్యలక్ష్మి ,ట్రెజరర్‌ మురళీ కుమార్‌, రాధికా రాణి లు పాల్గొన్నారు. 


Leave a Reply

Your email address will not be published.