సూర్య హీరోగా రూపొందించిన సినిమా ‘ఆకాశం నీ హద్దురా’

సూర్య హీరోగా  ఎయిర్ దక్కన్ వ్యవస్థాపకుడు జి.ఆర్. గోపీనాథ్ జీవితం ఆధారంగా దర్శకురాలు సుధ కొంగర   రూపొందించిన సినిమా ‘ఆకాశం నీ హద్దురా’. ఈ సినిమా ప్రమోషన్స్ లో భాగంగా   చిత్ర బృందం గురువారం సినిమాలోని రొమాంటిక్ సాంగ్ ను విడుదల చేసింది.  దేశంలో ఒక ఫ్లైట్ లో సినిమా పాట విడుదలవడం ఇదే ప్రథమం.గా చెప్పాలి. 

 ‘పిల్ల పులి’ అంటూ సాగే ఈ పాటకు సంబంధించిన 1 మినిట్ వీడియోను కూడా విడుదల చేశారు. ఈ పాటలో హీరో హీరోయిన్లు సూర్య, అపర్ణా బాలమురళి మధ్య రొమాన్స్ అలరిస్తోంది. జీవీ ప్రకాష్ సంగీతం సమకూర్చిన ఈ పాటను రామజోగయ్య శాస్త్రి రాయ‌గా,  అనురాగ్ కులకర్ణి ఆలపించాడు.  కాగా ఈ పాట విడుద‌ల కోసం నిర్వ‌హించిన పోటీలో ఎంపికైన  అగరం ఫౌండేషన్ కు చెందిన 100 మంది అండర్ ప్రివిలేజ్డ్ బాలలు, చిత్ర బృందం సమక్షంలో దీనిని ఆవిష్కరించ‌డం విశేషం. ఈ కార్య‌క్ర‌మంలో ద‌ర్శ‌కురాలు   సుధ కొంగర, హీరో   మోహన్ బాబు చిత్ర యూనిట్ పాల్గొంది.