ముద్ర కాదు .. అర్జున్ సురవరం

నిఖిల్ ‘ముద్ర’ టైటిల్ మారింది. నిఖిల్, లావణ్య త్రిపాఠి జంటగా నటిస్తున్న చిత్రానికి ‘అర్జున్ సురవరం’ టైటిల్‌ని ఫైనల్ చేశారు. ఈ చిత్రానికి ముందుగా ముద్ర టైటిల్ ఖరారు చేసినా.. ఇప్పుడు ఆ టైటిల్ ను మార్చామని చిత్ర యూనిట్ తెలిపింది. తాజాగా ఈ చిత్ర టైటిల్ లోగో విడుదలైంది. ఈ టైటిల్ లాంచ్ కార్యక్రమంలో హీరో నిఖిల్, హీరోయిన్ లావణ్య త్రిపాఠి, దర్శకుడు సంతోష్, నిర్మాతలు పాల్గొన్నారు. యూరప్ లో చివరి పాట చిత్రీకరణతో షూటింగ్ పూర్తి చేసుకుంది ఈ చిత్రం. పోస్ట్ ప్రొడక్షన్ పనుల్లో బిజీగా ఉంది అర్జున్ సురవరం. మార్చి 29న ఈ చిత్రం విడుదల కానున్నట్లు ప్రకటించారు చిత్ర యూనిట్. ఇందులో జర్నలిస్ట్ గా నటిస్తున్నారు నిఖిల్. టిఎన్ సంతోష్ ఈ చిత్రాన్ని తెరకెక్కిస్తున్నారు. స్యామ్ సిఎస్ ఈ చిత్రానికి సంగీతం అందిస్తున్నారు. వెన్నెల కిషోర్, పోసాని కృష్ణమురళి, నాగినీడు, ప్రగతి, సత్య, తరుణ్ అరోరా, రాజా రవీంద్ర ఈ చిత్రంలో సహాయ పాత్రల్లో నటిస్తున్నారు. ఔరా సినిమాస్ పివిటి, మూవీ డైనమిక్స్ ఎల్‌ఎల్పి బ్యానర్స్ పై కావ్య వేణుగోపాల్, రాజు కుమార్ నిర్మిస్తున్నారు. బి మధు అర్జున్ సురవరం చిత్రాన్ని సమర్పిస్తున్నారు. నిఖిల్ సిద్ధార్థ్, లావణ్య త్రిపాఠి, వెన్నెల కిషోర్, పోసాని కృష్ణమురళి, ప్రగతి, సత్య, తరుణ్ అరోరా, రాజా రవీంద్ర, నాగినీడు.. తదితరులు నటించారు. ఈ చిత్రానికి
సమర్పకుడు: బి మధు , నిర్మాతలు:  కావ్య వేణుగోపాల్ మరియు రాజ్ కుమార్, నిర్మాణ సంస్థలు: ఔరా సినిమాస్ పివిటి మరియు మూవీ డైనమిక్స్ ఎల్‌ఎల్పి,సినిమాటోగ్రఫీ: సూర్య , సంగీతం: స్యామ్ సిఎస్, ఆర్ట్ డైరెక్టర్: సాహి సురేష్
ఫైట్స్: వెంకట్, క్యాస్ట్యూమ్ డిజైనర్:  రాగా రెడ్డి, కథ, స్క్రీన్ ప్లే, దర్శకుడు: టిఎన్ సంతోష్.

Leave a Reply

Your email address will not be published.