నెల్లూరు లో విజృంభిస్తున్న కరోనా



శ‌ర‌వేగంగా విస్త‌రిస్తున్న క‌రోనా వైర‌స్ ఏపిని భారీగానే తాకిన‌ట్టు క‌నిపిస్తోంది. ముఖ్యంగా నెల్లూరులోనే ఒక్క గురువారం 14 అనుమానిత కేసుల‌ను  జిల్లా వైద్య ఆరోగ్య శాఖ అధికారులు గుర్తించార‌ని స‌మాచారం. ఈ విష‌య‌మై స‌మీక్షించిన జిల్లా క‌లెక్ట‌ర్   శేషగిరిబాబు  జిల్లా యంత్రాంగాన్ని అప్రమత్తం చేసారు.  ఇప్ప‌టికే ఓ క‌రోనా బాధితుడు జిల్లా కేంద్ర ఆసుప్ర‌తిలో చికిత్స పొందుతున్న నేప‌థ్యంలో జిల్లాలో మరో మూడు ఆస్పత్రుల్లో ఐసోలేషన్ వార్డులు ఏర్పాటు చేయాలని ఆదేశాలిచ్చారు.  

కాగా, ఆంధ్రప్రదేశ్ రాష్ట్రంలో నమోదైన తొలి కేసు నెల్లూరిదే కావ‌టంతో ఆసుప‌త్రిలో చేరిన‌ ఆ యువకుడు తిరిగిన ప్రాంతాలు, కలుసుకున్న వ్యక్తులను ఆరాలు తీసిన‌ ఆరోగ్య శాఖ అధికారులు వారంద‌రికీ వైద్య పరీక్షలు నిర్వహించారు.  వీరిలో మొత్తం 14 మందిని అనుమానితులుగా గుర్తించి,  వైద్యుల పర్యవేక్షణలో ఉంచామ‌ని వైద్య విభాగం చెపుతోంది. 

కాగా ఈ వైరస్ మరింత మందికి వ్యాపించే ఆస్కారం ఉంద‌ని, ముంద‌స్తు చ‌ర్య‌ల‌లో భాగంగా  జిల్లా కేంద్రంతో పాటు ప‌లు ర‌ద్దీ ప‌ట్ట‌ణాల‌లో అన్ని థియేటర్లను మూసివేయాలని  థియేటర్ల యజమానులతో చర్చల సంద‌ర్భంగా  ఆదేశాలు జారీచేశారు. ఈ మేరకు ఆయన తెలిపారు .  అన్ని షాపింగ్ మాల్స్‌లో ప్రజలు మాస్క్‌లను ధరించేలా చూడాలని, ఈ దిశగా ప్రజల్లో అవగాహన కల్పించాలని  జిల్లా ఉన్నతాధికారులతో అత్యవసర సమావేశంలో సూచించారు. 
 

Leave a Reply

Your email address will not be published.