డిఫ‌రెంట్ జోన‌ర్‌లో నీర‌జ్ పాండే ‘స్పెషల్ ఓపీఎస్‌’



డిజిట‌ల్ రంగంలో దూసుకొస్తున్న హాట్ స్టార్  –  స్టార్ మూవీ మేక‌ర్ నీర‌జ్ పాండే  కాంబినేష‌న్‌లో ‘స్పెషల్ ఓపీఎస్‌’ అనే ఓ స్పెష‌ల్ షోను రూపొందించ‌నుంది.  గ‌డిచిన 19 ఏళ్ల వ్య‌వ‌ధిలో జాతీయ స్థాయిలో జరిగిన కొన్ని ఘ‌ట‌న‌ల‌ను ఆధారంగా చేసుకుని ఈ షో రూప‌క‌ల్ప‌న జ‌రుగుతోంద‌ని నీర‌జ్ మీడియాకు చెప్పారు.  అంత‌ర్జాతీయ స్పై థ్రిల్ల‌ర్‌గా రూపొందుతోన్న ఈ షోను ట‌ర్కీ, అజ‌ర్‌బైజాన్‌, జోర్దాన్‌, ఇండియా త‌దిత‌ర దేశాల్లో చిత్రీక‌రించ‌నున్నామ‌ని వివరించారు. 

 అంత‌ర్జాతీయ ప్ర‌మాణాల‌తో రూపొందనున్న ఈ షో ని  ఫ్రైడే స్టోరి టెల్ల‌ర్స్ డిజిట‌ల్ విభాగానికి చెందిన ఫ్రైడే ఫిల్మ్ వ‌ర్క్స్ బ్యాన‌ర్‌పై వీటిని రూపొందిస్తున్నామ‌ని,   శీత‌ల్ భాటియా ఇందుకు స‌హ‌క‌రిస్తున్న‌ట్టు చెప్పారు.  దీప‌క్ కింగార్ని, బెన‌జిర్ అలీ ఫిదాల‌తో క‌లిసి నీర‌జ్ పాండే ఈ స్పెష‌ల్ ఓపీయ‌స్ స్క్రిప్ట్‌ను సిద్ధం చేస్తున్నామ‌ని చెప్పారు. 

ఈ   యాక్ష‌న్ థ్రిల్ల‌ర్ షోలోదేశంలోని అన్ని భాష‌ల‌లోని ప్ర‌ముఖ న‌టీన‌టులు, సాంకేతిక నిపుణులు పాలు పంచుకుంటున్నార‌ని,  కొన్ని ఘ‌ట‌న‌ల కార‌ణంగా దేశంలో ప‌లువురి జీవితాలను ఎంత ప్ర‌భావితం చేసాయ‌న్న‌ది  తెర‌పై ఆవిష్క‌రించ‌డానికి చేస్తున్న ప్ర‌య‌త్నం ఇద‌ని,  ఈ షో  ప్రేక్ష‌కులను  ఆస‌క్తి క‌ర‌మైన‌ క‌థ క‌థ‌నాలు ఆక‌ట్టుకుంటాయ‌ని చెప్పారు. గ‌తంలో హాట్‌స్టార్    రోర్ ఆఫ్ ది ల‌య‌న్‌, క్రిమిన‌ల్ జ‌స్టిస్‌, హోస్టెజ‌స్ లాంటి ప్ర‌త్యేక షోల త‌ర‌హాలో ఈ షో కూడా భారీగా నిర్మిస్తున్న‌ట్టు చెప్పారాయ‌న‌.  

Leave a Reply

Your email address will not be published.